ለምክክር ኣገልግሎት ከሚመጡ ኣብዛኞቹ ደንበኞቻችን፥ ሁሉንም ያካተተ የተሟላ application package እንድናዘጋጅላቸው፥ ሒደቱን ተከታትለን እዳር እንድናደርስላቸው፡ ሙሉ ዉክልና ይሰጡናል።  እኛ ደንበኞቻችን፥ በመንግስት እንዲያሟሉ የሚጠበቅባቸውን ኣስፈላጊ መስፈርቶች፥ ብዝርዝር በመግለጽ ስብሰባችንን እንጀምራለን። ከዚያ በኋላ፥ እንዲሟሉ የሚፈለጉት ሰነዶችን፥ ቅጾችና መረጃዎችን በመተንተን፥ ደንበኞቻችን ኣስፈላጊ የሆኑትን ፎርሞችን እንዲሞሉ እናግዛቸዋለን። ከዚህ በኋላ፥ ማመልከቻውን ለፊርማ ዝግጁ እናደርገዋለን። የብቃት/ጥራት ደረጃ (quality assurance) ለመጠበቅ እንዲያስችለን፥ የማመልከቻው ሙሉ ይዘት (application package) ዳግም የታየ/ የተመረመረ መሆኑን እናረጋግጣለን። እኛ  የተሟላ ማመልከቻ ኣዘጋጅቶ መላክ፡ መለያችን እንዲሆን ነው የምንመኘው።  በፎርሞቹ የሰፈረው መረጃን፥ መረጃውን የሚደግፉ ሰነዶችን ዳግም በመመርመር፥ የተሟላ ማመልከቻ በማቅረብ፥ የዳበረ ልምድ ኣካብተናል። ይኸንኑ፥ ለሙሉ የኣገልግሎት ውክልና (full representation service) የሚጠየቀው የኣገልግሎት ክፍያ፥ ኣብዛኛው ጊዜ ቀደም ሲል የዋጋ ተመን የወጣለት ሲሆን፥ የምክክር ስብሰባ እንደተካሔደ ወይም ከዚያ በኋላ ባለው ጊዜ፥ የሚወሰን ነው።

​

ማመልከቻው ወደ መንግስት ከተላከ በኋላ፥ እኛ የደንበኛችን ሕጋዊ ወኪል እንደመሆናችን መጠን፥ ማመልከቻውን ተቀብሎ ፥ ፕሮሰስ  ከሚያደርገው፥ የካናዳ መንግስት ጽሕፈት ቤት ጋር፥  ግንኙነት እናካሒዳለን። ይኸን ያህል ጊዜ ሊወስድ ይችላል ተብሎ ከተገመተው፥ ‘estimated processing time’ በላይ የወሰደ እንደሆነ፥ ድርጅታችን ፋይሉ የደረሰበትን ደረጃ  ለማወቅ  ጽ/ቤቱን እንጠይቃለን።  የዚህ ዓይነቱ ግንኙነት በምናካሒድበት ወቅት፥ እስከ ዛሬ ድረስ ከተለያዩ ኢምባሲዎችና የኢሚግረሽን ጽ/ ቤት ቅርንጫፎች እየተገናኘን፡ ከ12 ዓመታት በላይ ያዳበርነውን ሰከን ያለ ኣቀራረብ፡ ዲፕሎማሲያዊ ክህሎትና ልምድ በማዘውተር ነው። ተጨማሪ ሰነዶችን ለማቅረብ የተጠየቅን እንደሆነ፥ ባካበትነው ልምድና የሕግ ትምህርት ተመርኩዘን፥ የኢሚግረሽን ኦፊሰሩ በጉዳዩ ላይ ያለው ስጋት፡  ለማስወገድ በሚረዳ መልኩ፥ ኣሳማኝ የሕግ-ነክ ክርክሮች (legal arguments) በጽሑፍ ማቅረብ እንችላለን። ኣንድ ደንበኛ፥ ለኢንተርቪው የቀረበ እንደሆነ፥ ኣጋዥ ምክሮችን በመለገስ፥ ዝግጁ እንዲሆን እናደርጋለን። ሙሉ ውክልና ተቀብለን፥ ማመልከቻቸውን ስኬታማ እንዲሆን ያበቃናቸው ደንበኞች ቁጥር፥ ከፍተኛ ደረጃ በመድረሱ፥ እንኮራለን።